by မြန်မာ့ဆေးဖက်ဝင်အပင်များDecember 12, 2013 at 8:14am
Item
Name ---------
Trichosanthes palmata Roxb (ကျီးအာပင်)
Category ------------ Raw Material
Botany Term ------- Trichosanthes palmata Roxb
Species Family ----- Cucurbitaceae
အအေးပိုင်းဒေသမှအပ မြန်မာနိုင်ငံ အနှံ့အပြားတွင် ပေါက်ရောက်သည်။ သဘာဝအလျောက် အလေ့ကျ ပေါက်ရောက်သည်။
♥ အပင်
နွယ်ပင်ကြီးမျိုးဖြစ်သည်။
ပင်စည်သန်မာ၍ အောက်ပိုင်း၌ သစ်မာဖြစ်သည်။ အကိုင်းဖြာသည်။
မြောင်းပါသည်။ ရင့်သော ပင်စည်သည် မွဲခြောက်ခြောက်အရောင်ဖြစ်ပြီး
ကြမ်းသော အပြောက်အစက်များ ရှိသည်။ နွယ်နှာမောင်း ၃ ခု
ဖြာသည်။
♥ အရွက်
ရွက်လွှဲ
တစ်ရွက်ချင်းထွက်သည်။ ရွက်ပြားချော၍ ကြီးသည်။ ရွက်ရင်း နှလုံးပုံရှိပြီး
အ၀ိုက်ညီသည်။ ရွက်ထိပ်ချွန်၍ ရွက်နားများ ခွေးသွားစိပ်
ကျဲကျဲပုံရှိပြီး ရွက်ညှာအလွန်ရှည်ကာ အလယ်တွင်
မြောင်းပါရှိသည်။
♥ ပန်းပွင့်
ပန်းခိုင်ပေါ်တွင် အဖြူရောင်ပန်းပွင့် လေးများ ပွင့်၏ ။တန်ခူးလမှ နယုန်လအတွင်း ပွင့်သည်။
♥ အသီး
အစေ့များ
ခွံမာသီး ဖြစ်သည်။ ၁၁/၂ -၂ လက်မခန့် အချင်း ရှိ၍ လုံးဝိုင်းသည်။
မှည့်သောအခါ အနီရောင် ဖြစ်သည်။ လိမ္မော်ရောင်အစင်း ၁၀
စင်း ခန့်ရှိသည်။ အသီးခွံ ထူသည်။ ၀ါခေါင် ၊ တော်သလင်း
လတွင် သီးသည်။
♥ အမြစ်
အမြစ်သည် မြေတွင်းသို့ နက်ရိူင်းစွာသွား၍ မြစ်ဥပေါင်း များစွာနှင့် ဆက်စပ်လျက်ရှိ၏။
► အသုံးဝင်ပုံ
အသီး ၊ အမြစ်။
♥ အာနိသင်
မြန်မာဆေးကျမ်းများအလိုအရ
ကျီးအာသီးသည် ခါးသည် ၊ အနည်းငယ် ချိုသည်၊
သိမ်မွေ့သော အရသာ ရှိသည်။ နှလုံးနှင့် မသင့် ချေ။ အရည်သည် ၀မ်းသင်စေသည်။
► အသီးအသုံးပြုပုံ
၁ ။ ကျီးအာသီးကိုကြိတ်၍
အုန်းဆီနှင့် ရောကျိုပြီး ခပ်နွေးနွေး ထည့်ပေးက နားကိုက်နာနှင့်
နှာခေါင်းတွင် ဖြစ်သော အနာများကို ပျောက်စေသည်။
နှာပုပ်ရောဂါတွင် နှာခေါင်း ထဲသို့ ယင်းဆီကို
အစက်လိုက် ထည့်ပေးရ၏ ။
၂ ။ ၎င်းအသီးခြောက်ကို ချေး၍ ဆေးလိပ် ၊ ဆေးတံတွင် ထည့်သောက်ခဲ့သော် ပန်းနာ၊ ရင်ကျပ်ရောဂါပျောက်ကင်း၏ ။
၃ ။ အသီးကို
လည်ချောင်းရောဂါ ၊ အစာမကြေရောဂါ ၊ ချောင်းဆိုးရောဂါ ၊ ကုဋ္ဌနူနာရောဂါ ၊
နာတာရှည် ရောဂါ ၊ အစာအိမ်နှင့် စပ်လျဉ်းသောရောဂါများ
အတွက် အသုံးပြုသည်။
► အမြစ်အသုံးပြုပုံ
၁ ။ ကျီးအာမြစ်ကို
သွေး၍ လျှာတွင် ပွတ်ပေးလျှင်တစ်ခဏချင်းပင် သလိပ်ကို ကြေစေ၏ ။
အမြစ်သက်သက် အမှုန့်ကို ထိပ်ကပ်နာ ရောဂါ၌ ရှူရ၏ ။
၂ ။ အမြစ်ဥကိုပြုတ်၍ ပျားရည်နှင့် သောက်က ဆီးအောင့် နာ ပျောက်၏ ။
မြန်မာ့ဆေးဖက်ဝင်အပင်များ
photo by google search
♥ မည်သူမဆိုလွတ်လပ်စွာကူးယူဖေါ်ပြနိုင်ပါသည်။ ♥
♥ ကျန်းမာရေးဗဟုသုတတိုးပွါးစေရန် Like,share, ,Credit ပေးခြင်းဖြင့်လည်းကူညီနိုင်ပါသည်။ ♥
No comments:
Post a Comment